" လျှပ်စစ်ဓာတ်အားနှင့် ပတ်သက်၍ "

မြန်မာနိုင်ငံတွင် လျှပ်စစ်ဓါတ်အားထုတ်ယူနိုင်သည့် potential resource မည်မျှရှိသနည်း။ ရေအားလျှပ်စစ် (Hydro Power) တစ်ခုတည်းမှ Megawatt မည်မျှထုတ်ယူနိုင်သနည်း။ သဘာဝဓါတ်ငွေ့ (Natural Gas) တစ်ခုတည်း မှ Megawatt မည်မျှထုတ်ယူနိုင်သနည်း။ လေအားလျှပ်စစ် (wind power) တစ်ခုတည်း မှ Megawatt မည်မျှထုတ်ယူနိုင်သနည်း။ လျှပ်စစ်ဓါတ်အား ဖြန့်ဝေသုံးစွဲပုံတို့ကိုသိလိုလျှင်...

" လျှပ်စစ်ဓာတ်အားနှင့် ပတ်သက်၍ "

Postby acmv » Mon Jan 06, 2014 6:50 pm

သည်နေ့ ၆-၁-၂၀၁၄ နေ့ထုတ် Weekly Eleven ဂျာနယ်တွင်ပါရှိသော ဆောင်းပါး တစ်ပုဒ်.....

" လျှပ်စစ်ဓာတ်အားနှင့် ပတ်သက်၍ "

စိတ္တဇပန်းချီကား တစ်ချပ်လို လျှပ်စစ်ပညာရပ်သည် နားလည်ရ အလွန်ခက်သည်။ ထပ်ဆင့်ပြီးပြောရလျှင် လျှပ်စစ်ကိုနိုင်နင်းသော လျှပ်စစ်အင်ဂျင်နီယာတစ်ယောက် ဖြစ်ဖို့က သာလွန်ခက်သေးသည်။ လျှပ်စစ်၏ အမြင်အယူအဆ (concept) ကို အများအားဖြင့် သဘောပေါက်ရန်မလွယ်။ အခြား စက်မှု ၊ မြို့ပြ၊ ဓာတု တို့ကဲ့သို့သော အင်ဂျင်နီယာ ပညာရပ်များမှာ ကိုင်တွယ်ထိတွေ့နိုင်၊ မြင်နိုင်သည့် ပညာရပ်များဖြစ်သဖြင့် လျှပ်စစ်ပညာလောက် အတွေးအမြင် မရှုပ်ထွေး ဟုယူဆသည်။

လျှပ်စစ်ဓာတ်သည် မနှိုင်းကောင်းနှိုင်းကောင်း တစ်ချက်လွှတ် အာဏာရှင်တစ်ဦးနှင့်တူသည်။ သွားထိမိသူအား အသေသတ်သည်။ သို့သော်၊ မတူသည့်အချက်တစ်ချက်ရှိသည်။ လျှပ်စစ်ဓာတ်ကို သဘောပေါက်နားလည်သူ သိမ်မွေ့စွာကိုင်တွယ်ပါက သူက ဘာမှဒုက္ခမပေး…။ လူတွေကိုပင် အကျိုးပြုလိုက်သေးသည့် အချက်ဖြစ်သည်။

လျှပ်စစ်ဓာတ်လိုက်ခြင်းကြောင့် လူများသေဆုံးခြင်းမှာ လျှပ်စီး (current) ကြောင့်ဖြစ်၏။ ဗို့အား (voltage) ကြောင့် မဟုတ် ။ ဥပမာ ၂၃၀ ဗို့ ရှိပြီး ပတ်လမ်းပိတ် (closed circuit) တစ်ခု ဖြစ်ပေါ်လာပါက လျှပ်စီး စ၍ စီးသည်။ ထို လျှပ်စီးကို အမ်ပီယာ (ampere) ယူနစ်ဖြင့်တိုင်းတာသည်။ လျှပ်စီးသည် အလွန်ပူစေသောအရာဖြစ်သည့်ပြင်၊ လူ၏ ခန္ဓာကိုယ်ထဲသို့ ( အထူးသဖြင့် နှလုံးထဲသို့ ) လျှပ်စီး ပမာဏ မီလီအမ်ပီယာ အနည်းငယ်မျှစီးဝင်သည်နှင့် နှလုံးရပ်ပြီး သေစေသည်။ ဗို့အား ( အများအခေါ်- မီးအား ) သည် ရေအမြင့် ( head) ကဲ့သို့ပင် အမြင့် ပိုတင်ရှယ် (potential) ရှိလျှင် ရေစီးဆင်းသကဲ့သို့ လျှပ်စီးကိုစီးစေသည်။ သစ်ပင်ကိုင်းတက်ခုတ်သူတစ်ဦး က လျှပ်စစ်ကြိုးကိုထိလျှင် ၊ လျှပ်စီးသည် သူ၏လက်မှတစ်ဆင့် နှလုံးသို့ဖြတ်၍ ခြေထောက်ထိ စီးဆင်းပြီး မြေကြီးထဲသို့ဝင်သွား၏။ စီးစရာ လမ်းကြောင်းရှိမှ လျှပ်စီးစီး၏။ ဥပမာ - ရာဘာဖိနပ်ထူထူ စီးထားသောလူတစ်ယောက်က လျှပ်စစ်ကြိုးကို ကိုင်မိ ထိမိပါက သူ့အား ဓာတ်လိုက်မည်မဟုတ်…။ ရာဘာသည် လျှပ်စီးမကူးနိုင်သော လျှပ်တားပစ္စည်း (insulator) တစ်မျိုးဖြစ်သောကြောင့် လျှပ်စီးသည် လူ၏ ခန္ဓာကိုယ်မှတစ်ဆင့် မြေကြီးထဲသို့ဖြတ်မစီးနိုင် ။ ထို့ကြောင့် လူကို အန္တရာယ် မဖြစ်စေတော့…။

လျှပ်စစ်ဓာတ်အားသည် ယနေ့လူသား၏ အခြေခံအကျဆုံးဖြစ်သော မရှိမဖြစ် အသုံးအဆောင်လိုအပ်ချက် တစ်ရပ်ဖြစ်နေပေပြီ။ လျှပ်စစ်ကို ထုတ်လုပ်ခြင်း (generation) ၊ ပို့လွှတ်ခြင်း (transmission) နှင့် ဖြန့်ဖြူးခြင်း (distribution) စသဖြင့် အဆင့်သုံးဆင့် ခွဲ၍ ဖော်ဆောင်ပေးပို့မှသာ နေအိမ်၊ ရုံး၊ ကျောင်း၊ စက်ရုံ ကဲ့သို့သော သုံးစွဲသူများထံသို့ ရောက်ရှိမည်ဖြစ်၏။ စာရေးသူတို့မြန်မာနိုင်ငံ ရန်ကုန်မြို့၏ လျှပ်စစ်ဖြန့် ဖြူးရေးစနစ်ကို သုံးသပ်ရလျှင် မြေအောက်ကြိုးအချို့ရှိသော်လည်း ကောင်းကင်ကြိုးဖြင့် ဖြန့်ဖြူးသည့်စနစ်အဖြစ်သာ အများဆုံးတည်ရှိနေခဲ့သည်။ နှစ်ပေါင်း (၄၀)ခန့်မျှ မပြုပြင်ဘဲထားခြင်း၊ ထိန်းသိမ်းမှုနည်းပါးခြင်း တို့ကြောင့် ဘယ်နေရာကြည့်ကြည့် ဓာတ်တိုင်တစ်တိုင်နှင့် တစ်တိုင်ကြား လျှပ်စစ်ကြိုးသာမက တယ်လီဖုန်းကြိုးများလည်း ပွေလိမ်ရှုပ်ပြီး သပွတ်အူလိုဖြစ်နေသည်ကို တွေ့ရမည်။ မည်သည့်လိုင်းကြိုးက မည်သည်ဆိုသည်ကို မျက်စိဖြင့် ကြည့်ရုံနှင့် မခွဲခြားနိုင်တော့…။

ယင်းကိစ္စကို သက်ဆိုင်ရာ လျှပ်စစ်ဓာတ်အားပေးရေးအဖွဲ့မှ လဲလှယ်ပြုပြင်ပေးတော့မည်ဟု သိရ၍ မူအားဖြင့်ကြိုဆိုရပေမည်။ ( Daily Eleven ၂၄-၁၂-၂၀၁၃ ထုတ်မှ) ။ လိုင်းကြိုးများလဲလှယ်ပြုပြင်ပါကလည်း ပြဿနာများစွာနှင့် ကြုံတွေ့ရဖို့ရှိနေသည်။ တရားဝင်ရော၊ တရားမ၀င်ရော၊ ချမှတ်ထားသော စံချိန်စံညွှန်းစည်းမျဉ်းနှင့် ကိုက်ညီသည်ရော ၊ မကိုက်ညီသည်ရော သွယ်တန်းချိတ်ဆွဲထားမှု များစွာတို့နှင့် မုချရင်ဆိုင်ရပေမည်။ တစ်ချို့ဓာတ်တိုင်ရှိ ဓာတ်အားခွဲဝေဆုံချက် တစ်ခုတည်းတွင်ပင် ဓာတ်အားလိုင်းများစွာ ၀န်နှင့်မမျှအောင် ချိတ်ဆွဲထားမှုကိုလည်း တွေ့ရသည်။ ယင်းကြောင့် အကျိုးတရား တစ်ရပ်အဖြစ် ဗို့အားကျ (မီးအားကျ - voltage drop) ခြင်းနှင့် ကြုံ ရခြင်းဖြစ်သည်။

ဗို့အားကျခြင်း ကြုံနေရသည် ကို မပြောနှင့် ၊ တစ်နေရာတည်း၌ လိုင်းကြိုးချိတ်ဆွဲယူသည့်ဝန်သည် အခြားနေရာများနှင့် မမျှတ ၊ တစ်ဖက်စောင်းနင်း စည်းစနစ်မကျ၊ ပရမ်းပတာ ဖြစ်နေသောအခြေအနေဆိုးအား အမြန်ဆုံး ထိရောက်စွာ အမြစ်မှလှန် ပြုပြင်ချိန်တန်ပါပြီ။

လျှပ်စစ်မီးလည်း ပျက်ချင်သည့်အချိန် မမျှော်လင့်ဘဲပျက်သည်။ ဗို့အားကလည်း ၂၀၀ ဗို့ အောက် ၁၄၀၊ ၁၅၀ ရောက်လိုရောက် ၊ မီးပြန်လာလျှင်လည်း ၂၃၀ဗို့ထက်များစွာ ဆောင့်တက်သွား (voltage surge) တတ်သည်ကြောင့် ယင်းကို AVS (Automatic Voltage Stabilizer) မီးအားထိန်းစက်ခံ၍ မသုံးလျှင်မရ။ ဆေ့ဖ်ဂတ်(Safeguard) တို့၊ UPS (Uninterrupted Power Supply) တို့ ကိုလည်း ရေခဲသေတ္တာ၊ ကွန်ပျူတာ၊ အဲကွန်း စသည့် ပစ္စည်းအတွက် သုံးရပြန်သည်။ အခြားနိုင်ငံများ၌ မမြင်ဖူး မကြားဖူးသော ပစ္စည်းများဖြစ်၍ မြန်မာနိုင်ငံနှင့် အတန်ကြာ ကင်းကွာခဲ့သော စာရေးသူအဖို့ အထူးအဆန်းဖြစ်နေသည်။ (ဓာတ်အားထုတ်လုပ်မှု မလုံလောက်၍ ရန်ကုန်မြို့အား အလှည့်ကျမီးဖြတ်ရခြင်းဖြစ်သည်ဟု တစ်ချိန်တုန်းက မခိုင်မလုံ အကြောင်းပြနေရာမှ ရုတ်ချည်းနေ့ချင်းညချင်း ရန်ကုန်မြို့ကို လုံလုံလောက်လောက်မီးပေးနိုင်သည့် အခြေသို့ ပြောင်းလဲသွားသည်မှာ အံ့သြဖွယ်ကောင်းလှ၏)။

အခြားနိုင်ငံများ၌ မမြင်ဖူး မကြားဖူးသော ဆေ့ဖ်ဂတ်တို့ဘာတို့ ကို ဤနိုင်ငံနှင့် အတန်ကြာကင်းကွာသွားခဲ့သောစာရေးသူသည် ထိုပစ္စည်းများအကြောင်း မိတ်ဆွေတစ်ယောက်အား မေးခဲ့ဖူးသည်။ စာရေးသူကိုယ်၌က ကာလရေစီးအတိုင်း လိုက်ပါစီးမျောနိုင်ခြင်းမှမစွမ်းပဲလေ…။

ဆေ့ဖ်ဂတ်တို့ ၊ မီးအားမြှင့်စက်တို့ ၊ မီးပူတို့ အပူလွန်ခြင်းမှ မီးထလောင်သည်ဆိုခြင်းမှာ စာရေးသူနားလည်သလောက် မဖြစ်နိုင်ချေ။ ဖြစ်နိုင်ခြေ ရာနှုန်းအလွန်နည်းသည်။ သည်နိုင်ငံ၌ ၀ါယာရှော့ဖြစ်၍ မီးထလောင်သည်ဟု ခဏခဏအကြောင်းပြကြသည်။ ပြီးတော့ မီးပူကို ပလပ်ထိုးထားရာမှ အပူလွန်ကဲ၍ မီးလောင်မှုဖြစ်သည်ဟု ပြောပြန်သည်။ လျှပ်စစ်မီးပူ၌ သာမိုစတက် ခေါ် ဓာတ်အားဖြတ်တောက်ကရိယာပါသည်။ အပူလွန်စရာအကြောင်းလုံးဝမရှိပါ။ အပူလွန်လျှင်လည်း မီးပူ ဘာမှမဖြစ်နိုင်ပါ။ မီးပူအောက်တည့်တည့်တွင် လောင်စာ တမင်ချထားလျှင်တော့ မပြောတတ်တော့…။

ဝါယာရှော့ဖြစ်၍ မီးမလောင်ရလေအောင် အိမ်၊ စက်ရုံများ၌ သွယ်တန်းထားသည့် လျှပ်စစ်ကြိုးအရွယ်အစား (လုံးပတ်) ကို နားလည်တတ်ကျွမ်းသူ နည်းပညာရှင်နှင့် တွက်ချက်ပြီး ရွေးချယ်ရန်လိုသည်။ သုံးမည့် စုစုပေါင်း ၀န် (load) ကိုတွက်ပြီး စီးမည့် လျှပ်စီး အမ်ပီယာပမာဏကို သိရန်မှာ အရေးကြီးဆုံးဖြစ်သည်။

လျှပ်စစ်ဓာတ်အားကိစ္စနှင့် ဆက်စပ်နေသောကြောင့် မူဆယ်နှင့်နယ်စပ်သာခြားသော တရုတ်နိုင်ငံ ရွှေလီမြို့ အကြောင်းရေးထားသည့် ၂၄-၁၂-၂၀၁၃ နေ့ထုတ် Daily Eleven ဆောင်းပါးရှင်၏ဆောင်းပါး တစ်စိတ်တစ်ပိုင်းကိုလည်း ပြန်လည်ဖော်ပြလိုပေသည်။ “ ဟိုဘက်ကမ်းက မီးထိန်ထိန်၊ ဒီဘက်ကမ်းက မီးထိန်ထိန်၊ မနှင်းတို့အိမ် “ ဟူသော ကဗျာသည် ရှေးရှေး ကာလအတွက်သာမှန်သည်။ ရွှေလီ ဂိတ်မှ ဖြတ်သန်းသွားသည့် ကုန်သွယ်မှု ပမာဏမှာ ယူနန်ပြည်နယ်က မြန်မာနိုင်ငံနှင့် ကုန်သွယ်မှု၏ ၆၀ ရာခိုင်နှုန်း ရှိသည်ဟု ဆိုပါသည်။

သဘာဝ ၀န်းကျင်ရှုထောင့်မှ ကြည့်မည်ဆိုပါက ရွှေလီမှာ တစ်မြို့လုံးနီးပါး သစ်ပင်ကြီးငယ်တို့ဖြင့် စိမ်းစိုနေသည်ဟု “နီလာ” က ရေးပါသည်။ သူမ သည် ရုတ်တရက် မျက်စိထဲ ရှမ်းကုန်းပြင်မြင့်က တောင်ကတုံးများအား မြင်ယောင်လိုက်သည်ဟု ဆိုသည်။ စာရေးသူတို့နိုင်ငံမှ သစ်ပင်များအား ဘူဒိုဇာဖြင့် အမြစ်လိုက်တူးပြီး ရွှေလီတွင်စိုက်ထားခြင်းဖြစ်ကြောင်း ဌာနဆိုင်ရာ တာဝန်ရှိသူတချို့က ရှင်းပြသည်ဟု ဆိုပါသည်။

ပိုပြီးသိသာထင်ရှားသော အချက်တစ်ချက်မှာ ရွှေသဘာဝဓာတ်ငွေ့ စီမံကိန်းမှပို့လွှတ်သော သဘာဝဓာတ်ငွေ့သည် ယူနန်ပြည်နယ်၏ လျှပ်စစ်လိုအပ်ချက်ကို ဖြည့်ဆည်းပေးနေပါပြီ ဟူသော အရေးအသား…….။

မြစ်တစ်စင်း၏ ဟိုဘက်ကမ်း ရွှေလီနှင့်သည်ဘက်ကမ်းက မူဆယ်တို့ ရပ်တည်နေပုံချင်း မတူညီမျှမှုတွေ ၊ ကွာဟဆဲဖွံ့ဖြိုးမှုတွေ ၊ ကိုယ့်ဆီက အဆီအသားများဖြင့် ဖွံ့ဖြိုးနေသော ရွှေလီနှင့် အရိုးပြိုင်းပြိုင်းသာကျန်နေခဲ့သည့် မြန်မာ့ပိုင်နက်က မူဆယ်….. ဟူသော အရေးအသား ….။

ဝမ်းနည်းကြေကွဲဖွယ်ကောင်းရုံမှတစ်ပါး ဘာများတတ်နိုင်ပါဦးမည်နည်း။

ရေးသူ --- တက္ကသိုလ် မိုးဝါ
acmv
Site Admin
 
Posts: 3962
Joined: Thu Dec 16, 2010 8:23 am

Return to မြန်မာနိုင်ငံနှင့်လျှပ်စစ်ဓါတ်အား

Who is online

Users browsing this forum: No registered users and 1 guest

cron